Hvat er sálarrøkt á netinum?

Sálarrøkt merkir "at røkja sálina" og er eitt tilboð frá fólkakirkjuni um eina samrøðu í trúnaði við ein prest.

Sálarrøkt á netinum er, at samrøðan gongur fyri seg, tá ið tú kjattar við prestin. Tú kanst kjatta um júst tað, ið tú hevur tørv á.

Tær nýtist ikki at vera limur í fólkakirkjuni fyri at kjatta við ein prest.
Sálarrøkt.fo er ætlað øllum uttan mun til kyn, aldur ella átrúnað.

Samrøðan fer fram í trúnaði. Tað vil siga, at bæði tú og sálarrøktarin eru navnleys, tá ið tit kjatta.

Ongar persónsdátur verða goymdar í sambandi við samrøðurnar, ið fara fram á sálarrøkt.fo.